Urdhri i Stomatologut në Republikën e Shqipërisë është ent publik, jobuxhetor, i cili përfaqëson interesat e përbashkët të profesionistëve, stomatologë dhe ndihmësstomatologë, si dhe rregullon marrëdhëniet ndërmjet tyre në funksion të publikut.

1. Organet kryesore të Urdhrit të Stomatologut janë:
2. a) asambletë;
3. b) këshillat;
4. c) komisionet disiplinore;

ç)  presidentët e Urdhrit.

2. Zgjedhjet në organet e sipërpërmendura duhet të sigurojnë përfaqësim në masën 30 për qind për çdo gjini, në përputhje me ligjin nr. 9970, datë 24.7.2008, “Për barazinë gjinore në shoqëri”.

Urdhri i Stomatologut në Republikën e Shqipërisë përfaqësohet dhe drejtohet nga Presidenti Kombëtar, i zgjedhur nga Asambleja e Përgjithshme, dhe nga Presidentët Rajonalë që mbulojnë secilin rajon të vendit.

Kjo strukturë siguron përfaqësim të drejtë, bashkëpunim të ngushtë dhe zhvillim të qëndrueshëm të profesionit në të gjithë territorin shqiptar.

Bashkëpunimi i vazhdueshëm mes drejtuesve rajonalë dhe Presidentit Kombëtar përbën themelin e një organizimi efikas dhe të qëndrueshëm, duke garantuar shërbim cilësor dhe përfaqësim dinjitoz për profesionin dhe publikun.